الطريق الى النجاح
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الطريق الى النجاح

طريقك الى التميز
 
الرئيسيةالبوابةأحدث الصورالتسجيلدخول

 

 لو ربنا فك عقدتك واتخطبتي ...

اذهب الى الأسفل 
2 مشترك
كاتب الموضوعرسالة
بيلسان
نائب المدير العام
نائب المدير العام
بيلسان


انثى عدد الرسائل : 271
تاريخ التسجيل : 20/10/2007

لو ربنا فك عقدتك واتخطبتي ... Empty
مُساهمةموضوع: لو ربنا فك عقدتك واتخطبتي ...   لو ربنا فك عقدتك واتخطبتي ... Emptyالخميس فبراير 26, 2009 1:50 am

آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية.. علي أحلى محلات أكل في البلد.. واللي عمرك مانتي شايفاها بعد الجواز.. المهم نصائحي لكي عند أي عزومة مع ختيبك.. قلنا رقَّة
....

1 -
الأول لازم تعرفي إن الشوكة والسكينة بيتمسكوا من إيديهم من الطرف يعني مش من الوسط ولا من البوز زي الخنجر ولامن فوق طبعًااا


2 -
العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة في الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....

3-
الشوووربة.. أبوس كعب رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غيرماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزاكي تنسى تمامًا.. السلطانية اللي بتقيميها على بقك في البيت.. وتدلدقي علي روحك
..
بالمعلقه وبدون صوت.. سخنة ولعة برضه بدون صوت.. وتسيبي تلت الطبق عالأقل.. مش تميليه.. عشان تلهطيها لآخر نقطة
.....


4-
الرز طبعاً .. بيتاكل بالشوكة.. أوعي إيدك تتمد علي المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه
..

5-
المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها في بؤك من سكات.. مشتشفطي المكرونة عود عود
..

6-
السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم علي الجانبين ولماتخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها في جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك
..

7-
الجمبري.. -إذاكنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو في بيت ببااااا.. وأتنهدي جامد وقولي.. برضه..؟؟؟وتروحي قاطعة راس الجمبريياية.. بالشوكة.. أنا في عرضك إنسي المصمصة دلوقت
..

8-
البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي
..

9-
الفاكهة.. لو الفاكهة فيها بذر.. طلعيه من بؤك بالراحة وحطيه في إيدك وهي مقفولة.. وبعدين ف طفاية السجاير اللي علي الترابيزه.. أوعي ياحبيبتي من نظام التفتفة للبذر.. إنسي
....

10-
ولما تخلصي أكل تحطي إيدكعلى بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة
..
أنا أودامي أسبوع.. هابطل أكل فيه
.....

وبعدينتمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعنيبتمسحي بؤك
..
وبعدين تستأذني منه لدخول التوليت لإصلاح ماكياجك.. وتخشي التواليتوتطلعي من شنطة إيديك.. لفة الفول والطعمية اللي جايباها معاكي.. وبالهناوالشفااااااااااااا

منقول
الرجوع الى أعلى الصفحة اذهب الى الأسفل
سفينة نوح

سفينة نوح


انثى عدد الرسائل : 47
العمر : 40
تاريخ التسجيل : 23/02/2009

لو ربنا فك عقدتك واتخطبتي ... Empty
مُساهمةموضوع: رد: لو ربنا فك عقدتك واتخطبتي ...   لو ربنا فك عقدتك واتخطبتي ... Emptyالخميس فبراير 26, 2009 9:52 pm

الله انت عسسسسسسسسسل
الرجوع الى أعلى الصفحة اذهب الى الأسفل
بيلسان
نائب المدير العام
نائب المدير العام
بيلسان


انثى عدد الرسائل : 271
تاريخ التسجيل : 20/10/2007

لو ربنا فك عقدتك واتخطبتي ... Empty
مُساهمةموضوع: رد: لو ربنا فك عقدتك واتخطبتي ...   لو ربنا فك عقدتك واتخطبتي ... Emptyالخميس فبراير 26, 2009 10:14 pm

ميرسي لردك
الرجوع الى أعلى الصفحة اذهب الى الأسفل
 
لو ربنا فك عقدتك واتخطبتي ...
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الطريق الى النجاح :: المنتدى الترفيهي :: حوارات بنات-
انتقل الى: